Um helgina fóru 35 BH-ingar til Siglufjarðar til að taka þátt í Unglingamóti TBS. Ferðin norður á Siglufjörð er árleg og alltaf einn af hápunktum vetrarins hjá okkur.
Hópurinn tók rútu norður um hádegi á föstudag og var stoppað á Blönduósi á leiðinni þar sem farið var í sund og snæddur kvöldverður á Krúttinu í gamla bænum. Gist var í félagsmiðstöðinni á Siglufirði, morgunverður snæddur í bakaríinu og á laugardagskvöldinu var pizzuveisla á Torginu. Keppt var í einliðaleik á laugardag og tvíliða- og tvenndarleik á sunnudag. Að keppni lokinni eftir hádegi á sunnudag var svo haldið heim í Hafnarfjörð og komu þreyttir ferðalangar þangað um klukkan 21 á sunnudagskvöld.
Þjálfarar í ferðinni voru Elín Ósk, Kjartan Ágúst og Sólrún Anna og voru þau virkilega ánægð með hópinn sem stóð sig vel bæði innan vallar og utan. Ljósmyndari BH á staðnum var Kristján Pétur Hilmarsson og má finna fjöldan allan af skemmtilegum myndum sem hann tók í ferðinni hér á Facebooksíðu BH. (fleiri myndir væntanlegar)
BH-ingar voru sigursælir á mótinu og komu með 28 verðlaun með sér heim. Stefán Logi Friðriksson náði þeim frábæra árangri að sigra þrefalt í U17-U19 flokknum. Verðlaunahafar BH voru eftirfarandi:
Kári Bjarni Kristjánsson, 1.sæti í einliðaleik í U11
Lilja Guðrún Kristjánsdóttir, 1.sæti í einliðaleik í U11 og tvíliðaleik í U13
Erik Valur Kjartansson, 1.sæti í einliðaleik í U13
Birnir Hólm Bjarnason, 1.sæti í tvíliðaleik í U13
Hilmar Karl Kristjánsson, 1.sæti í tvíliðaleik í U13
Birnir Breki Kolbeinsson, 1.sæti í einliðaleik í U13B
Daniel Schuldeis, 2.sæti í einliðaleik í U13B
Dagur Örn Antonsson, 1.sæti í tvíliðaleik í U15
Helgi Sigurgeirsson, 1.sæti í tvíliðaleik í U15
Hákon Kemp, 2.sæti í tvíliðaleik í U15
Lúðvík Kemp, 2.sæti í tvíliðaleik í U15
Laufey Lára Haraldsdóttir, 2.sæti í tvíliðaleik í U15
Matthildur Thea Helgadóttir, 2.sæti í tvíliðaleik í U15
Stefán Logi Friðriksson, 1.sæti í einliða- og tvenndarleik í U19 og tvíliðaleik í U17-U19
Angela Líf Kuforji, 1.sæti í tvenndarleik í U17
Björn Ágúst Ólafsson, 1.sæti í einliðaleik í U17
Birkir Darri Nökkvason, 2.sæti í einliðaleik í U17
Eiríkur Svani Örvar, 1.sæti í einliðaleik í U17-U19B
Sólon Chance Sigurðsson, 2.sæti í einliðaleik í U17-U19B
Lena Rut Gígja, 2.sæti í tvíliðaleik í U17 og 1.sæti í tvenndarleik í U19
Jón Víðir Heiðarsson, 1.sæti í tvenndarleik í U19
Adam Elí Ómarsson, 1.sæti í tvíliðaleik og 2.sæti í tvenndarleik í U19
Snædís Sól Ingimundardóttir, 2.sæti í tvenndarleik í U19
Nánari úrslit má finna hér á tournamentsoftware.com.
Þökkum Siglfirðingum fyrir frábærar mótttökur eins og alltaf. Hlökkum til næstu ferðar norður.
Commenti