Fínn árangur á Reykjavíkurmóti fullorðinna

Reykjavíkurmót fullorðinna fór fram í TBR húsunum um helgina. Keppendur voru um 90 talsins, þar af 31 frá BH. BH-ingar náðu fínum árangri á mótinu, unnu 6 gull og 6 silfur. Una Hrund Örvar náði þeim frábæra árangri að sigra tvöfalt í úrvalsdeild, bæði tvíliða- og tvenndarleik.

Verðlaunahafar BH voru eftirfarandi:

• Una Hrund Örvar, 1.sæti í tvíliða- og tvenndarleik í Úrvalsdeild

• Brynjar Már Ellertsson, 1.sæti í tvenndarleik í Úrvalsdeild

• Natalía Ósk Óðinsdóttir, 2.sæti í tvíliðaleik í Úrvalsdeild

• Rakel Rut Kristjánsdóttir, 2.sæti í tvíliðaleik í Úrvalsdeild

• Stefán Logi Friðriksson, 1.sæti í einliðaleik í 1.deild

• Katla Sól Arnarsdóttir, 2.sæti í einliðaleik í 1.deild

• Jón Víðir Heiðarsson, 2.sæti í einliðaleik í 1.deild

• Birkir Darri Nökkvason, 1.sæti í tvenndarleik í 2.deild

• Elín Helga Einarsdóttir, 1.sæti í tvenndarleik í 2.deild

• Snædís Sól Ingimundardóttir, 2.sæti í tvíliðaleik í 2.deild

• Þórdís María Róbertsdóttir, 2.sæti í tvíliðaleik í 2.deild

Nánari úrslit má finna hér á tournamentsoftware.com. Myndir frá mótinu eru á Facebook síðu TBR.

Þökkum Badmintonráði Reykjavíkur fyrir vel skipulagt mót og flottar myndir af keppendum.

Verðlaunahafar í tvíliðaleik kvenna í úrvalsdeild á Reykjavíkurmóti fullorðinna. Una, BH og Lilja, TBR í 1.sæti. Rakel og Natalía, BH í 2.sæti.